Tónlistarskóli Reykjanesbæjar

í dag, mánudaginn 16. febrúar, fer fram fyrsti tónfundur ársins 2015. Tónfundir eru hugsaðir sem æfing fyrir nemendur í því að koma fram og spila fyrir sal af áheyrendum og er það stór partur af námi þeirra í skólanum. Á almennum tónfundi kappkostum við að hafa hann sem fjölbreyttastann þar sem nemendur og aðrir áheyrendur geta hlustað á margvísleg hljóðfæri frá nemendum á öllum námsstigum. Á tónfundi dagsins koma m.a. fram nemendur á klarinett, básúnu, píanó og flautu. Allir tónfundir skólans fara fram í salnum Berg og hefjast kl.17:30, aðgangur er ókeypis og eru allir velkomnir!

Aðrir tóndundir annarinnar fara fram eftirfarandi daga í Bergi kl.17:30
mánudaginn 2. mars
þriðjudaginn 3. mars
miðvikudaginn 4. mars
fimmtudaginn 5. mars

föstudaginn 13. mars
mánudaginn 16. mars
þriðjudaginn 17. mars

miðvikudaginn 22. apríl

Vikuna 9. – 13. febrúar verða umsjónakennarar með foreldraviðtöl fyrir nemendur yngri en 18 ára. Tilgangur viðtalanna er að gefa foreldrum kost á að ræða í ró og næði við hljóðfærakennara barns síns um allt sem það er að gera í Tónlistarskólanum. Áætlaður viðtalstími vegna hvers nemanda er 15 mínútur. Kennsla á ekki að þurfa að raskast vegna viðtalsins, þar sem viðtölin fara fram utan kennslutíma kennara.

Nú um helgina tekur Tónlistarskóli Reykjanesbæjar á móti 220 manns til að taka þátt í landsmóti C og D hljómasveita SÍSL (Samtök íslenskra skólalúðrasveita). Í þessum sveitum eru elstu nemendur lúðrasveitanna og fá þau tækifæri um helgina að spila í kammerhópum og sækja ýmis námskeið og fyrirlestra.

Tvennir tónleikar verða á dagsskrá; annars vegar föstudagskvöldið 23. jan kl.21:30 þar sem lúðrasveit Tónlistarskóla Reykjanesbæjar, Skólahljómsveit Austurbæjar og Skólahljómsveit Kópavogs koma fram og hins vegar lokatónleikar landsmótsins sunnudaginn 25. janúar kl.14 þar sem afrakstur helgarinnar fær að hljóma. Báðir tónleikarnir fara fram í Stapa, enginn aðgangseyrir og allir velkomnir!

Hér er slóð frá Víkurfréttum um landsmótið http://www.vf.is/mannlif/landsmot-samtaka-islenskra-skolaludrasveita/64965

 

Síðasti kennsludagur fyrir jólaleyfi er föstudagurinn 19. desember.

Skólastarf hefst að nýju mánudaginn 5. janúar 2015, með starfsdegi kennara.

Kennsla hefst samkvæmt stundaskrá þriðjudaginn 6. janúar.

 

Gleðileg jól og farsælt nýtt ár

Kæru nemendur og forráðamenn. Verkfalli Félags tónlistarskólakennara, FT, hefur verið frestað. Skrifað var undir samning á 6. tímanum í morgun og niðurstöður úr kosningu félagsmanna um samninginn munu liggja fyrir þann 8. desember n.k.

Kennsla í Tónlistarskóla Reykjanesbæjar er því hafin að nýju.

Tónfundir sem eiga að vera í þessari viku, mánudag til föstudags, falla niður vegna verkfalls Félags tónlistarskólakennara. Lang flestir af þeim nemendum sem koma áttu fram á tónfundunum eru nemendur kennara í verkfalli auk þess sem tónfundirnir áttu að vera í umsjón kennara sem eru í verkfalli.

Tónlistarskólakennarar sem eru innan Kennarasambands Íslands, þ.e. í Félagi tónlistarskólakennara (FT), hafa staðið í erfiðri kjarabaráttu allt þetta ár og nú er svo komið að boðað verkfall FT er hafið frá og með deginum í dag, miðvikudaginn 22. október. Við það raskast starfsemi Tónlistarskóla Reykjanesbæjar verulega, sem og nánast allra annarra tónlistarskóla á landinu.

Til upplýsinga, eru hér að neðan tveir listar. Annars vegar yfir þá kennara TR sem fara í verkfall og þær kennslugreinar sem þeir kenna við skólann og falla niður meðan á verkfalli stendur. Hins vegar listi yfir þá kennara TR sem ekki fara í verkfall (eru í Félagi íslenskra hljómlistarmanna, FÍH) og þær kennslugreinar sem þeir kenna og verða óbreyttar.

Kennarar innan KÍ/FT sem fara í verkfall og kennslugreinar og stjórnun sem falla niður vegna þess:

Aleksandra Pitak: Gítar, mið gítarsamspil, deildarstjórn

Áki Ásgeirsson: Tónver, Tónsmíðar

Berglind Stefánsdóttir: Flauta

Bjargey Þrúður Ingólfsdóttir: Píanó, Slagkraftar, Slagharpa, deildarstjórn

Dagný Marinósdóttir: Flauta

Dagný Þórunn Jónsdóttir: Forskóli, Söngur, Opin söngdeild, Kór

Geirþrúður Fanney Bogadóttir: Forskóli, Klarinett, deildarstjórn

German Khlopin: Píanó, Harmonika, Samspil

Gréta Rún Snorradóttir: Forskóli, Selló

Helga Aðalheiður Jónsdóttir: Blokkflauta, Samspil

Helga Bryndís Magnúsdóttir: Meðleikur söngdeildar

Helgi Þorleiksson: Slagverk

Ína Dóra Hjálmarsdóttir: Forskóli, Kjarni

Jón Guðmundsson: Flauta

Jóna Kristín Jónsdóttir: Kjarni

Karen Janine Sturlaugsson: Bjöllukór, Aðstoðarskólastjórn. ATH. að æfingar elstu lúðrasveitarinnar munu halda áfram undir stjórn Björgvins R. Hjálmarssonar aðstoðarstjórnanda.

Kristín Þóra Pétursdóttir: Klarinett

Kristján Karl Bragason: Píanó, Meðleikur hljóðfæradeilda

Ragnheiður Skúladóttir: Píanó

Sigrún Gróa Magnúsdóttir: Forskóli, Píanó, Meðleikur yngri strengjanemenda, Slagkraftar

Steinar Guðmundsson: Píanó, Hljómborð

Tone Solbakk: Forskóli

Unnur Pálsdóttir: Fiðla, Strengjasveit eldri

Vilhjálmur Ingi Sigurðarson: Málmblástur

Þorkell Atlason: THH, Klassísk tónlistarsaga

Þorvaldur Már Guðmundsson: Gítar, yngsta og elsta gítarsamspil

Þórunn Harðardóttir: Fiðla, Víóla, Strengjasveit yngri

Örvar Ingi Jóhannesson: Píanó

Kennarar innan FÍH og fara því ekki í verkfall og kennslugreinar og stjórnun sem falla ekki niður:

Andrés Þór Gunnlaugsson: Meðleikur í Rymtískum söng

Andri Ólafsson: Klarinett

Ásgeir Aðalsteinsson: Forskóli, Kjarni

Björgvin Ragnar Hjálmarsson: Saxófónn, aðstoðarstjórnandi Lúðrasveit mið og elsta

Brynjólfur Snorrason: Trommur

Bylgja Dís Gunnarsdóttir: Forskóli, Söngur, Opin söngdeild, Leiklist söngdeildar

Díana Lind Monzon: Gítar

Eyþór Ingi Kolbeins: Rytmísk hljómfræði, Samspil, deildarstjórn

Guðlaug Dröfn Ólafsdóttir: Rytmískur söngur

Högni Þorsteinsson: Rafgítar, Samspil

Ingi Garðar Erlendsson: Kjarni, Djass-tónlistarsaga, deildarstjórn

Jóhann Smári Sævarsson: Söngur, Opin söngdeild

Páll Hannesson: Kontrabassi

Róbert Þórhallsson: Rafbassi

Sigrún Kristbjörg Jónsdóttir: Málmblástur, Lúðrasveitir yngsta og mið, Samspil

Steingrímur Karl Teague: Rytmískt píanó

Landsmót strengjanemenda verður haldið á Akureyri dagana 17., 18. og 19. október n.k. Myndarlegur hópur nemenda, foreldra og kennara úr strengjadeild skólans tekur þátt, og verður lagt af stað með rútu héðan frá skólanum kl.10.30 á föstudaginn.

Landsmótinu lýkur með tónleikum í Hofi á sunnudeginum 19. október kl. 13.30. Það eru allir velkomnir á tónleikana og aðgangur er að sjálfsögðu ókeypis.

Föstudaginn 17. og mánudaginn 20. október verður skólinn í vetrarleyfi. Það verður því engin kennsla þessa daga. Kennsla hefst aftur þriðjudaginn 21. október.