|
|
Forsíða
Forsíða
|
Tónleikar lengra kominna nemenda skólans |
|
þriðjudagur, 09 mars 2010 |
Tónleikar lengra kominna nemenda verða haldnir miðvikudaginn 10. mars n.k. kl. 19.30 í Stapa, Hljómahöllinni. Mjög fjölbreytt efnisskrá, bæði einleikur og samleikur Aðgangur ókeypis og allir velkomnir |
|
|
Forskólatónleikar í grunnskólunum og Stór tónleikar |
|
mánudagur, 08 mars 2010 |
Dagana 8. og 9. mars n.k. mun Forskóladeild Tónlistarskóla Reykjanesbæjar ásamt Lúðrasveit C og Rokkhljómsveit skipuð nemendum úr tónlistarskólanum, halda tónleika fyrir nemendur í öllum grunnskólum Reykjanesbæjar. Þetta er sjöunda árið sem Forskóladeild og Lúðrasveit Tónlistarskóla Reykjanesbæjar standa saman að tónleikum. Umfang verkefnisins hefur vaxið ár frá ári og síðustu fimm árin hefur þessi tónleikaröð endað með stór-tónleikum ætluðum almenningi þar sem nemendur hafa spilað og sungið fyrir troðfullu húsi og algerlega slegið í gegn. Alls verða haldnir 6 skólatónleikar á þessum tveimur dögum, en eins og undanfarin ár mun tónleikaröðinni svo ljúka með Stór-tónleikum í Íþróttamiðstöð Njarðvíkur þriðjudaginn 9. mars. Tónleikarnir hefjast kl. 19.30. Þar koma fram nemendur í 2. bekk Forskóla Tónlistarskóla Reykjanesbæjar, en hann skipa allir nemendur í 2. bekk grunnskólanna í Reykjanesbæ, alls um 200 börn, ásamt C Lúðrasveitinni og Rokkhljómsveitinni. Allir eru velkomnir og aðgangur er ókeypis. |
|
|
Lokatónleikar Þemavikunnar |
|
föstudagur, 26 febrúar 2010 |
|
Lokatónleikar Þemavikunnar okkar og um leið Hátíðartónleikar í tilefni af Degi tónlistarskólanna, verður í Stapa á morgun, laugardaginn 27. febrúar kl.14.00. Efnisskráin, sem verður sérlega fjölbreytt, samanstendur af íslenskri tónlist, en íslensk tónlist hefur verið þema febrúarmánaðar. Allir hjartanlega velkomnir og aðgangur er að sjálfsögðu ókeypis. |
|
|
Þemavikan 22.-27. febrúar 2010 |
|
sunnudagur, 21 febrúar 2010 |
|
mánudaginn 22. feb. - 14:00 Þverflautudeild: hlustunartími á sal TR v/Austurgötu
- 17:30 Tónfundur í Bíósal, Duus
- 18:30 Tónfundur í Bíósal, Duus
þriðjudaginn 23. feb. - 17:00 Samsöngur Söngdeildar á sal Tónlistarskólans við Þórustíg
- 17:30 Tónfundur í Bíósal, Duus
- 18:30 Tónfundur í Bíósal, Duus
miðvikudaginn 24. feb.
kl. 10:00 Háaleiti kl. 14:00 Garðarsel kl. 14:30 Heiðarsel kl. 15:00 Holti
- 17:30 Tónfundur í Bíósal, Duus
- 19:30 Píanótónleikar: Vígsla nýs flygils í Stapa, Hljómahöll
Fram koma píánóleikararnir Anna Málfríður Sigurðardóttir, Ástríður Alda Sigurðardóttir, Steinunn Birna Ragnarsdóttir og Sunna Gunnlaugsdóttir. Einnig munu nokkrir píanónemendur Tónlistarskólans koma fram. Skyldumæting píanónemenda Tónlistarskólans. fimmtudaginn 25. feb. - 17:30 Tónfundur í Bíósal, Duus
- 18:30 Tónfundur í Bíósal, Duus
- 20:00 Tónleikar í Stapa: Flutt verður „Vetrarferðin“ e. Schubert, Jóhann Smári Sævarsson og Kurt Kopecky.
Frítt inn fyrir nemendur og kennara TR. Skyldumæting söngnemenda Tónlistarskólans.
föstudaginn 26. feb. - 15:00 Tónleikar hjá eldri borgurum á Nesvöllum
- 17:30 Tónfundur í Bíósal, Duus
- 19:30 Kaffihúsa-tónleikar Djasshljómsveitar TR í Hljómakaffi, Stapa
laugardaginn 27. feb. Dagur Tónlistarskólanna
- 14:00 Tónleikar í Stapa, Hljómahöll
|
|
|
laugardagur, 20 febrúar 2010 |
|
Hin árlega Þemavika febrúarmánaðar verður að þessu sinni tileinkuð íslenskri tónlist og verður vikan undirbúin nú í febrúarmánuði. Þemavikan stendur yfir frá mánudeginum 22. til laugardagsins 27. febrúar. Unnið verður með íslenska tónlist meðfram öðru efni sem nemendur eru að vinna að. Þemað ætti því ekki að þurfa að tefja fyrir öðrum markmiðum nemenda eins og áfangaprófum. Í mörgum tilfellum gæti íslenska efnið jafnvel fallið að prófefnisskrám nemenda. Leitast verður við að vinna með sem fjölbreyttasta íslenska tónlist bæði í stíl, aldri og samsetningu. Í lokavikunni, sjálfri Þemavikunni, verður röð af tónleikum þar sem afraksturinn verður fluttur. Lokatónleikarnir verða svo á hinum árlega hátíðisdegi íslenskra tónlistarskóla, "Degi tónlistarskólanna", laugardaginn 27. febrúar. Þeir tónleikar verða í þeim hluta Hljómahallarinnar sem verður tilbúinn þá, í Stapanum. Í tengslum við lokatónleikana verður hinn fornfrægi Stapi, formlega vígður eftir endurbygginguna og afhentur Reykjanesbæ til notkunar. Bekkir í Kjarna 4, 5 og 6 og í eldri tónfræðagreinum verða virkir í þessu verkefni á þann hátt að þeir vinna kynningar á íslenskri tónlist og flytja þær á tónleikum Þemavikunnar. Við hvetjum alla til að kynna sér tónleikadagskrá Þemavikunnar og vera duglegir að sækja tónleikana. |
|
| | << Fyrsta < Fyrri 1 2 3 4 5 Næsta > Síðasta >>
| | Niðurstöður 1 - 15 af 64 |
|
|
Moli |
|
Á alþjóðlegri tónlistarráðstefnu árið 1939 var ákveðið að tónninn a' skyldi vera 440Hertz (440 sveflur á sekúndu). Samt sem áður hefur stilling hljóðfæra verið breytileg eftir svæðum og tímabilum. Í Evrópu á sautjándu öld var tónninn a' 374-403 Hz, u.þ.b. 2-3 hálftónum lægri en 440 Hz. Meðalstilling hefur farið hækkandi síðan þá. Margar sinfóníuhljómsveitir í dag stilla hljóðfæri sín í A-442 eða jafnvel A-444. Barrokkstilling er oftast A-415, hálftón neðar en A-440. |
|
|