Barnakór

Frá og með haustinu 2015 hefur verið starfræktur kór sem ætlaður er börnum á aldrinum 9-12 ára (í 4. til 7. bekk).
Í kórstarfinu er lögð áhersla á raddþjálfun, framkomu og tónheyrnarþjálfun. Kenndur er fjöldinn allur af lögum sem sungin eru bæði einradda og í röddum.
Kórinn er ætlaður fyrir bæði nemendur Tónlistarskólans og önnur börn á þessum aldri sem búsett eru í Reykjanesbæ. Þau börn þurfa ekki að öðru leiti að vera nemendur Tónlistarskóla Reykjanesbæjar, en þau þurfa að greiða kórgjald, kr. 10.000, fyrir önnina. Almennir nemendur Tónlistarskólans greiða hins vegar ekki kórgjald.

Æfingar á skólaárinu 2018-2019 eru á mánudögum og fimmtudögum kl.16:00-17:00 í Tónlistarskólanum, Hjallavegi 2.
Sækja skal um á vefsíðu skólans undir hlekknum „Nýjar umsóknir“. Umsækjendur verða teknir í raddprófun áður en inntaka í kórinn verður staðfest. Hámarksfjöldi í kórinn er 40 börn.

Kórstjóri og kennari er Birta Rós Sigurjónsdóttir.
Meðleikari á píanó er Jónína Einarsdóttir.