Hljómahöll – Hjallavegi 2 – 260 Reykjanesbær – 420 1400 – tonlistarskoli@tonrnb.is
Starfsfólk Tónlistarskólans er nú á starfsdögum og vinnur ötullega að því að leggja lokahönd á undirbúning skólaársins.
Seinna í þessari viku og/eða um næstu helgi, munu kennarar skólans hafa samband við nemendur og forráðamenn og tilkynna tíma í öllum námsgreinum.
Kennsla hefst síðan mánudaginn 27. ágúst.
15. maí þrið.
16. maí mið.
19. maí laug.
21. maí mán.
22. maí þrið.
23. maí mið.
24 maí fimm.
25. maí fös. Síðasti kennsludagur
30 maí miðv.
31. maí fimm.
N.k. sunnudag, þann 13. maí, stendur skólinn fyrir tónleikum blokkflautusamspilshópa í Stapa, Hljómahöllinni kl.17.00. Tónleikarnir eru liður í Barnahátíð í Reykjanesbæ.
Aðgangur er ókeypis og öllum heimill.
Þá er lokasprettur skólaársins hafinn. Framundan eru ársprófin, síðustu áfangapróf þessa skólaárs og vortónleikar. Nemendur þurfa að klára undirbúning verkefnanna í samstarfi við kennara sína svo allt verði sem best úr garði gert og nemendur finni sig örugga og tilbúna fyrir próf og tónleika.
Hér koma upplýsingar um tónleika, próf o.fl.:
Nemendur og meðleikarar stóðu sig afar vel á tónleikum lengra kominna nemenda sem fram fóru í Stapa í gær, fimmtudaginn 22. mars. Tónleikarnir tókust í alla staði mjög vel og voru sérlega skemmtilegir.
Hinir árlegu tónleikar lengra kominna nemenda skólans verða hladnir í Stapa, Hljómahöllinni, fimmtudaginn 22. mars kl.19.30.
Efnisskráin er sérlega fjölbreytt og spennandi. Aðgangur er ókeypis og öllum heimill.
Léttsveit Tónlistarskóla Reykjanesbæjar keppti á lokatónleikum Nótunnar sem fram fóru í Eldborgarsal Hörpu s.l. sunnudag. Sveitin, sem lék stór-glæsilega, vann til verðlauna í flokki samleiks í miðnámi. Tónlistarskólinn óskar nemendunum í þessari flottu hljómsveit og stjórnandanum innilega til hamingju.
Síðast liðinn sunnudag tók Tónlistarskóli Reykjanesbæjar þátt í svæðistónleikum „Nótunnar-uppskepuhátíðar tónlistarskóla“, í Salnum í Kópavogi. Alls voru haldnir þrennir tónleikar, þ.e. fyrir nemendur í grunnnámi, miðnámi og framhaldsnámi.
Skólinn sendi 3 atriði; Forskóla 2, alls 125 nemendur, ásamt mið-lúðrasveitinni, alls 25 nemendur, sem komu fram á grunnnáms-tónleikunum með lagið „Blokklingarnir“ eftir Michael Jón Clarke, blásara- og slagverkssveitina Tropic Thunder, sem flutti lagið „Astrocyte“, eftir Sævar Bachmann Kjartansson nemanda í tónsmíðum við skólann og Léttsveitina, sem flutti lagið „It Had Better Be Tonight“ eftir Henry Mancini. Bæði þessi atriði komu fram á miðnámstónleikunum. Allir hóparnir stóðu sig með mikilli prýði og voru Tónlistarskólanum og bænum okkar til mikils sóma.
Á svæðistónleikunum var starfandi valnefnd, sem hafði það hlutverk að velja 7 atriði alls, af þessum þremur tónleikum, til að koma fram á Lokahátíð Nótunnar sem fram fer í Eldborgarsal Hörpu, n.k. sunnudag, þann 18. mars. Valnefndin valdi Léttsveit Tónlistarskóla Reykjanesbæjar sem eitt af þessum 7 tónlistaratriðum. Áhugasömum er bent á vefsíðu Nótunnar, notan.is þar sem sjá má tímasetningar tónleikanna á Lokahátíðinni o.fl. áhugavert. Tónleikarnir sem Léttsveitin mun leika á í Eldborg, hefjast kl.14.00.
Auk þessa mun eldra gítarsamspil skólans leika, ásamt eldra gítarsamspili Tónskóla Sigursveins D. Kristinssonar, í anddyri Hörpu kl.11.00, þ.e. áður en lokahátíð Nótunnar hefst formlega.
Næst komandi sunnudag, þann 11. mars, verða haldnir svæðistónleikar Nótunnar-uppskeruhátíðar tónlistarskóla fyrir Suðurnes, Suðurland og Kragann þ.e. höfuðborgarsvæðið umhverfis Reykjavík. Tónleikarnir verða í Salnum í Tónlistarhúsi Kópavogs. Alls verða haldnir þrennir tónleikar; á grunnnámsstigi kl.11.30, á miðnámsstigi kl.13.00 og á miðnáms- og framhaldsnámsstigi kl.14.30.
Við tökum þátt í svæðistónleikunum með þau 3 atriði sem valin voru af valnefnd skólans á tónleikunum sem haldnir voru á Degi tónlistarskólanna laugardaginn 25. febrúar s.l.
Þau atriði sem taka þátt í svæðistónleikunum á sunnudaginn eru:
Allir eru velkomnir á tónleikana og aðgangur er ókeypis.
Á svæðistónleikunum verður valnefnd á vegum yfirstjórnar Nótunnar sem velur alls 7 atriði af tónleikum dagsins til að taka þátt í Lokatónlekum Nótunnar sem fara fram í Eldborg í Hörpu sunnudaginn 18. mars n.k. Vonandi náum við atriði inn á þá tónleika. Það væri skemmtilegt.
