Tónlistarskóli Reykjanesbæjar

Vortónleikar Lúðrasveitar Tónlistarskóla Reykjanesbæjar verða í Stapa, Hljómahöll, mánudaginn 25. maí, sem er annar í hvítasunnu. Á tónleikunum sem hefjast kl. 18:00, koma fram yngsta, mið og elsta sveit. Elsta lúðrasveitin hefur kallað til liðs við sig góða gesti sem nokkurs konar einleikara, en það eru kór söngdeildar og elsta gítarsveit skólans. Efnisskrá tónleikanna er því mjög fjölbreytt, þar sem aldur hljóðfæraleikara lúðrasveitanna og getustig er mjög breitt og aðkoma kórsins og gítarsveitarinnar mun setja annan og nýstárlegan blæ á tónleikana.

Stjórnendur lúðrasveitanna eru Harpa Jóhannsdóttir, Kristín Þ. Pétursdóttir, Björgvin R. Hjálmarsson og Karen J. Sturlaugsson. Stjórnandi Kórs Söngdeildar er Dagný Þ. Jónsdóttir og stjórnandi gítarsveitarinnar er Þorvaldur M. Guðmundsson.

Aðgangur er ókeypis og allir hjartanlega velkomnir.

Tónvisir maí 2015<——— Hér á viðhengi er nýjasta útgáfa Tónvísis, fréttabréf skólans

Bjöllukór Tónlistarskóla Reykjanesbæjar var stofnaður árið 2012 í tilefni af því að Sinfóníuhljómsveit Íslands óskaði eftir bjöllukórum til að spila á jólatónleikum þeirra það árið. Eftir það var ekki aftur snúið og kórinn spilað á öllum jólatónleikum Sinfóníunnar síðan þá við góðar undirtektir áheyrenda.
Í sumar stefnir Bjöllukórinn á reisu til Bandaríkjanna þar sem þau hefja dvölina á nokkurra daga bjöllukóranámskeiði/-hátíð í University of Massachusetts og enda ferðina á því að spila með stórri hljómsveit og kór í einum virtasta tónleikasal heims, Carnegie Hall í New York.
Ekki fyrir löngu setti bjöllukórinn í loftið „like“ síðu á Facebook og hvetjum við fólk að fylgjast með þeim þar!

Bjöllukór á Facebook

Hér spila þau við messu í Árbæjarkirkju

Minnum á að líkt og í öðrum skólum verður frí á Verkalýðsdaginn 1. maí í Tónlistarskóla Reykjanesbæjar. Hittumst hress eftir helgi!

Tónlistarskóli Reykjanesbæjar hefur opnað fyrir nýjar umsóknir fyrir næsta skólaár. Tökum á móti umsóknum á hljóðfæri í öllum deildum, hægt að skoða hvaða hljóðfæri og námsleiðir eru í boði hér til vinstri.
Umsóknir liggja frammi á skrifstofu skólans, Hjallavegi 2, en einnig eru umsóknir á vefnum mittreykjanes.is
Umsóknarfrestur er til 15. maí nk.

Upplýsingar fást á skrifstofu skólans í síma 420-1400 milli kl.13 og 17 alla daga nema miðvikudaga, þá er opið frá kl.9 og 13.