Sóttvarnarreglur 2022

Kennsla hefst aftur samkvæmt stundaskrá þriðjudaginn 4. janúar.
Ef einhverjar breytingar verða á hóptímum munu kennarar láta sína nemendur vita, fylgist vel með skilaboðum þeirra.
Hér að neðan eru gildandi sóttvarnarreglur til og með miðvikudeginum 12. janúar.

Nemendur og aðrir
· Hámarksfjöldi nemenda í sama rými er 50
· Fjöldatakmörkun gildir ekki í almennu rými
· Blöndun nemenda/-hópa er heimil
· Nemendur fæddir 2005 og fyrr skulu bera andlitsgrímu, á göngum og í kennslustund
· Að lágmarki 1 meter skal vera á milli nemenda í kennslustofum og á hópæfingum/-tímum
· Aðstandendur Suzukinemenda sem fylgja þeim í náminu, skulu bera andlitsgrímu
· Nemendur spritti hendur áður en farið er í kennslustund
· Við hvetjum nemendur til að þvo sér oft og vel um hendur
· Séu nemendur með einkenni covid-smits, skulu þeir ekki mæta í tónlistarskólann
· Gestakomur eru ekki heimilar nema brýna nauðsyn beri til og þá gildir grímuskylda



Tónvísir, jólatónleikar og jólafrí

Í næstu viku hefst jólatónleikaröðin okkar og í ár verða þeir alls 32.
Tónleikarnir verða með svipuðu sniði og venjulega þ.e. að kennarar eða deildir halda sína tónleika hver fyrir sig. Vinsamlegast fylgist vel með tilkynningum sem koma frá kennurum varðandi tónleikana.
Hér að ofan í flipanum Jólatónleikar 2021 er hægt að nálgast dagskrá þessara tónleikaraðar.

Vegna samkomutakmarkana verða engir gestir, en þess í stað munum við streyma tónleikunum á YouTube-rásinni okkar hér líkt og við höfum gert undanfarið.

Fréttabréf okkar, Tónvísir, er einnig komið út og hvetjum við ykkur til að lesa það yfir hér

Jólafrí hefst mánudaginn 20. desember og stendur til 3. janúar.
Kennsla hefst í öllum greinum þriðjudaginn 4. janúar.

Ný sóttvarnarreglugerð

  • Allir fæddir 2005 og fyrr: Nálægðarmörk skulu vera 1 meter, ef ekki er hægt að viðhafa þau mörk, þá gildir grímuskylda.
  • Allir fæddir 2005 og fyrr, skulu bera grímu þegar gengið er í kennslustofu, þar til allir eru sestir/komnir á sinn stað.
  • Allir spritta hendur áður en gengið er inn í kennslustund.
  • Nemendur á grunnskólaaldri eru undanþegnir 1 metra fjarlægðarreglu og grímuskyldu, en við hvetjum þau, sem og alla okkar nemendur til fyllstu varkárni og persónulegra sóttvarna.

Varðandi smitgát, þá mega nemendur mæta í skóla, en þeir þurfa að gæta vel að persónulegum smitvörnum og forðast að vera í margmenni að óþörfu. Við getum hjálpað til með persónulegu smitvarnirnar. Þ.e. að passa uppá að nemendur þvoi sér um hendur og noti handsprittið sem er í boði hér um allan skólann.

Nemendur í smitgát eru beðnir um að setja á sig grímu þegar þeir koma inn í skólann og hafi hana á sér þegar þeir mæta inn í stofu í t.d. tónfræðagreinum og samspil/hljómsveit. Blásarar geta tekið niður grímu þegar kennslustund hefst.

Mjög mikilvægt að forráðamenn og nemendur láti kennara vita af því ef nemandi er í smitgát.

Tónleikar: Frá og með næstu tónleikum, sem verða þri. 16. nóv. kl.17.30, verða ekki gestir í sal. Tónleikum verður eingöngu streymt, a.m.k. til og með 8. desember, nema það verði gerðar breytingar í aðra átt fyrir þann tíma.

Gestir: Aðstandendur og aðrir gestir sem koma hér í skólann þurfa að bera grímu meðan þeir eru hér í húsi. Við óskum samt eftir því að utanaðkomandi komi ekki hér inn nema af brýnni nauðsyn.

Sjókonur og snillingar

Tónlistarskóli Reykjanesbæjar er í spennandi samstarfsverkefni með hópi kvenna í tónlist sem kalla sig ReykjavíkBarokk.
Samstarfsverkefnið er tónlistarhátíð sem hefur fengið heitið Kona forntónlistarhátíð. Sjá Facebook viðburð hér

Hátíðinni er annars vegar ætlað að vekja athygli á konum fyrri alda í Evrópu sem stunduðu hljóðfæraleik og tónsmíðar en fengu litla sem enga athygli fyrir verk sín. Í þeim þætti hátíðarinnar leika nokkrir hljóðfæranemendur skólans á tónleikum í Bergi með ReykjavíkBarokk.
Hins vegar er hátíðinni ætlað að draga fram í dagsljósið kveðskap íslenskra kvenna fyrr á öldum, sem tengdust sjósókn og/eða tengdum störfum í landi. Í því sambandi verður fluttur kveðskapur eftir Látra-Björgu og Hallgrím Pétursson. Sá þáttur forntónlistarhátíðarinnar nefnist Sjókonur og snillingar og er glænýtt tónleikhús. Það er í þeim þætti, Sjókonum og snillingum, sem nemendur í Kjarna 1 munu taka þátt í og hafa verið að kynnast þessum kveðskap í Kjarnatímum undanfarið.

Um helgina, 30. – 31. okt, er æfingahelgi með ReykjavíkBarokk hópnum vegna þessa verkefnis. Sjá æfinga- og tónleikaáætlun hér. Helgina þar á eftir, 6. og 7. nóvember eru æfingar, tvennir tónleikar á vegum ReykjavíkBarokks-hópsins í Bergi og síðan frumsýning tónleikhússins Sjókonur og snillingar í Stapa sunnudaginn 7. nóvember. Sjá hér

ATH grímuskylda er fyrir alla gesti eldri en 15 ára.

Laugardagur 6. nóvember:
Kl. 13:00  Berg: Tónleikar
Ólöf Sigursveinsdóttir, nýr sellókennari við TR og sellóleikari í ReykjavíkBarokk, leikur Sellósvítu nr. 3 í C dúr eftir Johann Sebastian Bach.
Gengið inn um Tónlistarskólann.

Sunnudagur 7. nóvember:
Kl. 14:00  Berg: Tónleikar
ReykjavíkBarokk ásamt hljóðfæranemendum úr Tónlistarskólanum flytja tónlist eftir Maddalenu Sirmen og Elizabeth J. de la Guerre.
Gengið inn um Tónlistarskólann

Kl. 16:00  Stapi: Sjókonur og snillingar – Tónleikhús
*ATH þessum tónleikum verður einnig streymt á Youtube rás skólans
ReykjavíkBarokk, Leikfélagið Fljúgandi fiskar o.fl. listamenn, ásamt nemendum úr Kjarna 1, sem hafa mikilvægt hlutverk í sýningunni.
Gengið inn um aðalinngang Stapa.

Vetrarfrí

Mánudaginn 18. okt og þriðjudaginn 19. okt er vetrarfrí hjá okkur í Tónlistarskólanum og fellur öll kennsla niður. Vonandi náið þið að hlaða batteríin í fríinu og við hittumst hress miðvikudaginn 20. okt.

Tónleikar hefjast!

Í næstu viku fara fram fyrstu nemendatónleikar vetrarins, alls þrennir tónleikar þann 11., 12. og 14. október. Við erum mjög spennt að hrinda þessum tónleikum af stað því loksins megum við bjóða áhorfendur velkomna í húsið og njóta með okkur. Tónleikarnir eru allir í Bergi, byrja kl.17:30 og eru opnir öllum. Gestir passa að halda góðri fjarlægð við óskylda aðila og er grímunotkun valkvæð.

Hlökkum til að sjá ykkur í húsinu!

Nemendur í Ungsveitinni

Ungsveit Sinfóníuhljómsveitar Íslands

Ungsveit Sinfóníuhljómsveitar Íslands hélt tónleika sunnudaginn 26. septsember í Eldborgarsal Hörpu undir stjórn Evu Ollikainen, aðalstjórnanda Sinfóníuhljómsveitar Íslands. Efnisskráin var Sinfónía nr. 2 eftir Jean Sibelius. Ungsveit SÍ er skipuð ungmennum úr tónlistarskólum landsins og þurfa nemendurnir að standast prufuspil til að fá sæti í hljómsveitinni. Að þessu sinni var Ungsveitin skipuð um 80 hljóðfæraleikurum.Þrír nemendur okkar voru í hljómsveitinni, þau Bergur Daði Ágústsson, trompet, Magnús Már Newman, pákur og Rozalia Mietus, fiðla. Þau stóðu sig frábærlega vel, sem og hljómsveitin öll, og þau spiluðu sína „parta“ af miklu öryggi. Innilega til hamingju með frammistöðuna, Bergur, Magnús og Rozalia og takk fyrir tónleikana. Sömuleiðis færi ég kennurum þeirra, þeim Karen, Þorvaldi og Unni hamingjuóskir og þakkir fyrir vandaðan undirbúning. Haraldur Á. Haraldsson.

Sóttvarnir og umgengni í skólabyggingunni

  • Nemendur á grunnskólaaldri eru undanþegnir 1 metra fjarlægðarreglu og grímuskyldu, en við hvetjum þau, sem og alla okkar nemendur til fyllstu varkárni og persónulegra sóttvarna.
  • Leyfilegur hámarksfjöldi starfsfólks og nemenda er 500 í rými.
  • Blöndun hópa er heimil, hvort sem um ræðir nemendur eða starfsfólk.
  • Forráðamenn, aðstandendur og aðrir utanaðkomandi eiga að sýna aðgát þegar þeir koma inn í skólabygginguna og gæta að sóttvörnum.
  • Grímunotkun er valkvæð.                                      
  • Um viðburði á vegum skólans gilda sömu sóttvarnaráðstafanir og um 500 manna fjöldatakmörkun fullorðinna.

Upphaf skólaársins 2021-2022

Skrifstofan opnar eftir sumarleyfi þriðjudaginn 18. ágúst og er opin mán-fim frá kl.9-17 og fös frá kl.9-16.
Þau sem hafa fengið inngöngu í nám fengu staðfestingu á skólavist í júní sl. Aðrir fara sjálfkrafa á biðlista.

Kennsla í hljóðfæragreinum og söng hefst fimmtudaginn 26. ágúst.
Kennsla í tónfræðagreinum hefst mánudaginn 30. ágúst
Önnur samspil og hóptímar hefjast eins fljótt og auðið er, kennarar láta sína nemendur vita.

Umsjónakennarar hafa samband við sína nemendur varðandi tímasetningar allra einka- og hóptíma.

NETnótan

NETnótan uppskeruhátíð tónlistarskóla 2021 verður sýnd í þremur þáttum á N4 í júní. Tónlistarskólar sendu inn myndbönd úr skólastarfinu sem N4 fléttuðu saman í skemmtilega þætti.Myndbönd hvers skóla, í heild sinni, verða birt á vefsíðu KÍ og FB síðu Nótunnar á sama tíma og viðkomandi sjónvarpsþáttur verður sýndur. Þegar allir þættirnir hafa verið sýndir verða svo öll myndböndin einnig aðgengileg í N4 safninu á sjónvarpi símans.Þættirnir verða sýndir sunnudagana 13., 20. og 27. júní kl. 20.30, endilega fylgist með!

https://vimeo.com/kennarasambandislands?fbclid=IwAR2HvgFs8D7u4Jn9x1eVeTAVGIk7WooliyfJYD5KIyPBl_MEAPsYoSQWYnE