Tónlistarskóli Reykjanesbæjar

Vortónleikar 2012

admin — Wed, 16 May 2012 13:03:37 +0000

15. maí þrið.

kl. 18:30 Vortónleikar nem. Þorvalds Más í Y.-Njarðv.kirkju

16. maí mið.

kl.17:00 Vortónleikar nem. Geirþrúðar, Berglindar,Dagnýjar M. í Y.-Njarðv.kirkju
kl.18:00 Vortónleikar nem. Geirþrúðar, Berglindar,Dagnýjar M. í Y.-Njarðv.kirkju

19. maí laug.

kl. 13:30 Vortónleikar nem. Ragnheiðar á sal TR við Þórustíg
kl. 15:00 Vortónleikar Strengjasveitar TR í Y.-Njarðv.kirkju

21. maí mán.

kl. 17:30 Vortónleikar nem. Bjargeyjar á sal TR við Þórustíg
kl. 19:00 Vortónleikar nem. Önnu Málfríðar á sal TR við Þórustíg
kl. 19:30 Vortónleikar Rytmískadeildar á sal TR við Austurgötu

22. maí þrið.

kl. 17:00 Vortónleikar nem. Helgu Aðalheiðar í Stapa
kl. 18:30 Vortónleikar Gítarsamspil TR í Stapa
kl. 19:00 Vortónleikar nem. Örvars á sal TR við Þórustíg

23. maí mið.

kl. 17:00 Vortónleikar nem. Alberts Sölva og Páls á sal TR við Austurgötu
kl. 20:00 Vortónleikar nem. Dagnýar J. og Jóhanns Smára á sal TR við Austurgötu

24 maí fimm.

kl. 17:00 Vortónleikar nem. Önnu Hugad. í Y.-Njarðv.kirkju
kl. 18:00 Vortónleikar nem. Steinars G. í Y.-Njarðv.kirkju
kl. 19:30 Vortónleikar nem. Aleksöndru í Y.-Njarðv.kirkju
kl. 19:00 Vortónleikar nem. Germans á sal TR við Austurgötu
kl. 20:00 Vortónleikar málmbl.deildar í Stapa – nem. Hörpu, Eyþórs og Steinars K.

25. maí fös. Síðasti kennsludagur

kl. 17:00 Vortónleikar nem. Gunnhildar, Unnar, Sigurjóns og Sigrúnar Gróu í Y.-Njarðv.kirkju
kl. 18:30 Vortónleikar nem. Gunnhildar, Unnar, Sigurjóns og Sigrúnar Gróu í Y.-Njarðv.kirkju

30 maí miðv.

kl. 19:00 Vortónleikar Lúðrasveitar TR í Stapa

31. maí fimm.

kl. 18:00 Skólaslit í Stapa

Blokkflaututónleikar á Barnahátíð

hah — Fri, 11 May 2012 12:40:00 +0000

N.k. sunnudag, þann 13. maí, stendur skólinn fyrir tónleikum blokkflautusamspilshópa í Stapa, Hljómahöllinni kl.17.00. Tónleikarnir eru liður í Barnahátíð í Reykjanesbæ.

Aðgangur er ókeypis og öllum heimill.

Endaspretturinn og

hah — Tue, 17 Apr 2012 11:49:42 +0000

Þá er lokasprettur skólaársins hafinn. Framundan eru ársprófin, síðustu áfangapróf þessa skólaárs og vortónleikar. Nemendur þurfa að klára undirbúning verkefnanna í samstarfi við kennara sína svo allt verði sem best úr garði gert og nemendur finni sig örugga og tilbúna fyrir próf og tónleika.

Hér koma upplýsingar um tónleika, próf o.fl.:

Árspróf í hljóðfæraleik og söng verða dagana 23. – 27. apríl.
Áfangapróf í hljóðfæraleik og söng verða í maí. Kennarar tilkynna nemendum nánar um prófdaga, staðsetningu prófa og tíma.
Síðasti prófhluti í Kjarna yngri nemenda fer fram dagana 10. – 16. maí.
Síðasti prófhluti í Kjarna eldri nemenda (hraðferð) verða dagana 14. og 15. maí.
Síðasti hluti prófa í Tónheyrn verður 10. maí. Próf í Hljómfræði verða 14. maí.
Próf í Tónlistarsögu verða 24. maí. Vortónleikar deilda verða dagana 21. – 25. maí.
Síðasti kennsludagur er föstudagurinn 25. maí.
Starfsdagar kennara verða 29. og 30. maí og 1. júní.
Skólaslit verða fimmtudaginn 31. maí kl.18.00 í Stapa, Hljómahöllinni.

Flottir tónleikar

hah — Fri, 23 Mar 2012 10:02:27 +0000

Nemendur og meðleikarar stóðu sig afar vel á tónleikum lengra kominna nemenda sem fram fóru í Stapa í gær, fimmtudaginn 22. mars. Tónleikarnir tókust í alla staði mjög vel og voru sérlega skemmtilegir.

Tónleikar lengra kominna nemenda

hah — Tue, 20 Mar 2012 13:30:45 +0000

Hinir árlegu tónleikar lengra kominna nemenda skólans verða hladnir í Stapa, Hljómahöllinni, fimmtudaginn 22. mars kl.19.30.

Efnisskráin er sérlega fjölbreytt og spennandi. Aðgangur er ókeypis og öllum heimill.

Verðlaun á Nótunni

hah — Tue, 20 Mar 2012 13:29:08 +0000

Léttsveit Tónlistarskóla Reykjanesbæjar keppti á lokatónleikum Nótunnar sem fram fóru í Eldborgarsal Hörpu s.l. sunnudag. Sveitin, sem lék stór-glæsilega, vann til verðlauna í flokki samleiks í miðnámi. Tónlistarskólinn óskar nemendunum í þessari flottu hljómsveit og stjórnandanum innilega til hamingju.

Nótan – Svæðistónleikar í Salnum

hah — Wed, 14 Mar 2012 14:29:20 +0000

Síðast liðinn sunnudag tók Tónlistarskóli Reykjanesbæjar þátt í svæðistónleikum „Nótunnar-uppskepuhátíðar tónlistarskóla“, í Salnum í Kópavogi. Alls voru haldnir þrennir tónleikar, þ.e. fyrir nemendur í grunnnámi, miðnámi og framhaldsnámi.

Skólinn sendi 3 atriði; Forskóla 2, alls 125 nemendur, ásamt mið-lúðrasveitinni, alls 25 nemendur, sem komu fram á grunnnáms-tónleikunum með lagið „Blokklingarnir“ eftir Michael Jón Clarke, blásara- og slagverkssveitina Tropic Thunder, sem flutti lagið „Astrocyte“, eftir Sævar Bachmann Kjartansson nemanda í tónsmíðum við skólann og Léttsveitina, sem flutti lagið „It Had Better Be Tonight“ eftir Henry Mancini. Bæði þessi atriði komu fram á miðnámstónleikunum. Allir hóparnir stóðu sig með mikilli prýði og voru Tónlistarskólanum og bænum okkar til mikils sóma.

Á svæðistónleikunum var starfandi valnefnd, sem hafði það hlutverk að velja 7 atriði alls, af þessum þremur tónleikum, til að koma fram á Lokahátíð Nótunnar sem fram fer í Eldborgarsal Hörpu, n.k. sunnudag, þann 18. mars. Valnefndin valdi Léttsveit Tónlistarskóla Reykjanesbæjar sem eitt af þessum 7 tónlistaratriðum. Áhugasömum er bent á vefsíðu Nótunnar, notan.is þar sem sjá má tímasetningar tónleikanna á Lokahátíðinni o.fl. áhugavert. Tónleikarnir sem Léttsveitin mun leika á í Eldborg, hefjast kl.14.00.

Auk þessa mun eldra gítarsamspil skólans leika, ásamt eldra gítarsamspili Tónskóla Sigursveins D. Kristinssonar, í anddyri Hörpu kl.11.00, þ.e. áður en lokahátíð Nótunnar hefst formlega.

Nótan-uppskeruhátíð tónlistarskóla 2012

hah — Thu, 08 Mar 2012 08:53:13 +0000

Næst komandi sunnudag, þann 11. mars, verða haldnir svæðistónleikar Nótunnar-uppskeruhátíðar tónlistarskóla fyrir Suðurnes, Suðurland og Kragann þ.e. höfuðborgarsvæðið umhverfis Reykjavík. Tónleikarnir verða í Salnum í Tónlistarhúsi Kópavogs. Alls verða haldnir þrennir tónleikar; á grunnnámsstigi kl.11.30, á miðnámsstigi kl.13.00 og á miðnáms- og framhaldsnámsstigi kl.14.30.

Við tökum þátt í svæðistónleikunum með þau 3 atriði sem valin voru af valnefnd skólans á tónleikunum sem haldnir voru á Degi tónlistarskólanna laugardaginn 25. febrúar s.l.

Þau atriði sem taka þátt í svæðistónleikunum á sunnudaginn eru:

Forskóli 2 og Lúðrasveit með lagið „Blokklingarnir“ eftir Michael Jón Clarke í útsetningu Inga Garðars Erlendssonar. Þetta atriði verður á Grunnnáms-tónleikunum kl.11.30
Hljómsveitin Tropic Thunder með lagið „Astrocyte“ eftir Sævar Bachmann Kjartansson. Þetta atriði verður á Miðnáms-tónleikunum kl. 13.00
Léttsveitin með lagið „It Had Better Be Tonight“ eftir Henry Mancini. Þetta atriði verður sömuleiðis á Miðnáms-tónleikunum kl. 13.00 og verður lokaatriði tónleikanna.

Allir eru velkomnir á tónleikana og aðgangur er ókeypis.

Á svæðistónleikunum verður valnefnd á vegum yfirstjórnar Nótunnar sem velur alls 7 atriði af tónleikum dagsins til að taka þátt í Lokatónlekum Nótunnar sem fara fram í Eldborg í Hörpu sunnudaginn 18. mars n.k. Vonandi náum við atriði inn á þá tónleika. Það væri skemmtilegt.

Dagur tónlistarskólanna – myndir

admin — Mon, 05 Mar 2012 14:54:45 +0000

Dagur tónlistarskólanna – Hátíðartónleikar og Nótan

hah — Tue, 21 Feb 2012 16:05:21 +0000

„Nótan – uppskeruhátíð tónlistarskóla“, er samstarfsverkefni Félags tónlistarskólakennara, Félags íslenskra hljómlistarmanna og Samtaka tónlistarskólastjóra. Nótan er hugsuð sem ný vídd í starfsemi tónlistarskóla og að hún sé í senn faglega hvetjandi og skemmtilegt innlegg í skólastarfið. Nótan hefur verið haldin árlega síðan 2010 og þetta er því í þriðja sinn sem hátíðin er haldin.
Tónlistarskólar landsins eru um níutíu talsins. Þar fer fram gríðarlega fjölbreytt og öflugt starf og með „Nótunni-uppskeruhátíð tónlistarskóla“, er kastljósinu beint að þessum samfélögum og tónlistarnemendum veittar viðurkenningar fyrir afrakstur vinnu þeirra. Markmiðið er að auka sýnileika og styrkja tengsl tónlistarskóla við umhverfi sitt.
„Nótan-uppskeruhátíð tónlistarskóla“ er þrískipt og skipulögð þannig að allir tónlistarskólar á landinu geti tekið þátt. Efnisskrá Nótunnar endurspeglar því á landsvísu, ólík viðfangsefni tónlistarnemenda á öllum aldri og á öllum stigum tónlistarnáms.
Fyrsti hlutinn felst í því að tónlistarskólar sem ætla að taka þátt, velja þau atriði sem þeir ætla að senda í annan hluta Nótunnar, sem eru tónleikar þess landsvæðis sem viðkomandi tónlistarskóli tilheyrir. Skólarnir framkvæma þennan fyrsta hluta með mismunandi hætti, allt eftir því hvað hentar hverjum skóla. Á svæðistónleikunum velur síðan valnefnd á vegum Nótunnar þau atriði sem fara áfram í þriðja og síðasta hlutann, sem eru lokatónleikar eða lokahátíð Nótunnar.
Tónlistarskóli Reykjanesbæjar mun taka þátt í Nótunni 2012 og þetta er í annað sinn sem skólinn tekur þátt. Okkar svæði er Suðurnes, Suðurland og svæðið umhverfis höfuðborgina, það sem gjarnan er kallað „Kraginn“.
Fyrsti hlutinn fer fram, eins og áður segir, innan skólanna sjálfra og mun Tónlistarskóli Reykjanesbæjar að þessu sinni framkvæma þann hluta með Hátíðartónleikum á sal Fjölbrautaskóla Suðurnesja, laugardaginn 25. febrúar sem er hinn árlegi Dagur tónlistarskólanna. Tónleikarnir hefjast kl.14.00.

Á Hátíðartónleikunum mun valnefnd úr röðum kennara velja þau atriði sem skólinn sendir til þátttöku í svæðistónleikunum, sem verða haldnir í Salnum í Kópavogi, sunnudaginn 11. mars. Þriðji og síðasti hluti „Nótunnar-uppskeruhátíðar tónlistarskólanna“, verður í salnum Eldborg í Hörpu, sunnudaginn 18. mars n.k.
Þeir sem vilja vita meira um Nótuna, geta farið á vefsíðu verkefnisins, www.notan.is.