Lúðrasveitatónleikar

Fimmtudaginn 7. mars fara fram lúðrasveitatónleikar í Stapa kl.18. Þar koma fram yngri og eldri sveit skólans og flytja fjölbreytta og skemmtilega dagsskrá. Það eru allir velkomnir og enginn aðgangseyrir.

Dagur tónlistarskólanna

Dagur Tónlistarskólanna verður haldinn hátíðlegur í Tónlistarskóla Reykjanesbæjar laugardaginn 9. febrúar. Dagsskráin hefst á tónleikum Forskóla 2 kl.10:30 í Stapa þar sem þau flytja tvö lög ásamt hljómsveit skipuð kennurum skólans. Strax í kjölfarið er síðan þessum nemendum og öðrum áhugasömum boðið í hljóðfærakynningu þar sem þau fá tækifæri til að leika á hljóðfæri og fá leiðsögn frá kennurum skólans.
Á meðan á hljóðfærakynningunni stendur, frá kl.11:00, fara fram tónleikar með ýmsum samleikshópum á Torginu á 2. hæð skólans. 
Kaffihús Bjöllukórs TR verður opið frá kl.10.30 – 12.30 þar sem ljúffengar veitingar verða á vægu verði. Ágóðinn rennur í ferðasjóð Bjöllukórsins.

Jólatónleikar

Nú er jólavertíðin að skella á í öllu sínu veldi. Hér til hliðar á viðburðardagatali okkar eru komnir inn allir okkar jólatónleikar en samtals eru 26 tónleikar á dagsskrá hjá okkur í aðdragenda jóla. Það eru allir velkomnir á þessa tónleika og er aðgangseyrir enginn.

Einnig er hægt að nálgast allar upplýsingar um jólatónleikana og margt fleira í nýjustu útgáfu Tónvísis, fréttabréfi skólans hér

Tónleikar á næstunni

Léttsveit TK/TR 30 ára!

Léttsveit TK var stofnuð í september fyrir 30 árum síðan. Nú höldum við tónleika í tilefni afmælisins. Fram koma Léttsveit Tónlistarskóla Reykjanesbæjar undir stjórn Eyþórs Kolbeins og Stórsveit Suðurnesja, sem samanstendur af meðlimum fyrri sveita, undir stjórn Karenar Sturlaugsson. Allir velkomnir, sérstaklega fyrrverandi meðlimir! Aðgangur ókeypis.

Dagur íslenskrar tungu – tónleikar
Tónleikar píanó og söngnemenda við Tónlistarskóla Reykjanesbæjar.

Degi íslenskrar tungu, fæðingardegi Jónasar Hallgrímssonar, verður fagnað með tónleikum föstudaginn 16. nóvember n.k.  kl. 17:30 í Bergi, Hljómahöll. 
Á tónleikunum munu söngnemendur flytja lög við ljóð nokkurra helstu skálda þjóðarinnar
við undirleik píanónemenda.
Þetta er í fyrsta skipti sem hljómborðsdeild og söngdeild tónlistarskólans
halda tónleika af þessu tilefni.
Allir hjartanlega velkomnir!

Hausttónleikar Lúðrasveit TR
Lúðrasveitir skólans koma fram og spila efni sem nemendur þeirra hafa æft í haust. Lúðrasveitirnar eru tvær og er yngri sveitinni stjórnað af Þórörnu Salómé Brynjólfsdóttur og Ragnheiði Eir Magnúsdóttur, eldri sveitinni stjórna Harpa Jóhannsdóttir og Þorvaldur Halldórsson. Tónleikarnir eru þriðjudaginn 20. nóv kl.18:00 í Stapa. Allir velkomnir!

Fiðlarinn á þakinu – Prufusöngur

Fiðlarinn á þakinu

Tónlistarskóli Reykjanesbæjar verður 20 ára haustið 2019 og af því tilefni ætlar skólinn að setja upp söngleikinn Fiðlarann á þakinu í samstarfi við Óperufélagið Norðuróp.

Um er að ræða all stóra uppfærslu, en hlutverkin eru 22, auk hljómsveitar og kórs, sem hefur jafnframt hlutverk dansara.

Haldinn verður prufusöngur fyrir hlutverk og einnig fyrir kórmeðlimi,mánudaginn 1. október kl.17-18 í Bergi, Hljómahöll.

Þeir sem ætla í prufusöng, þurfa að mæta með 1 lag og undirleik á nótum fyrir píanó eða undirspil í síma eða öðru slíku.

Athugið að prufusöngurinn er opinn öllum nemendum skólans sem og prufusöngur fyrir kórinn.

Fiðlarinn á þakinu er einn þekktasti söngleikur allra tíma og hefur farið sigurför um heiminn frá því hann frumfluttur árið 1964.
Hann byggir á bókinni „Tevje og dætur hans“ eftir Sholem Aleichem. Tónlistin var gerð fyrir Broadway en í henni gætir áhrifa klezmertónlistar gyðinga.
Í Fiðlaranum eru þekkt lög eins og t.d. „Ef ég væri ríkur“ og „Sól rís, sól sest“.
Sagan gerist í Rússlandi í upphafi 20. aldar á tímum rússneska keisarans. Tevje og fjölskylda hans eru gyðingar en fjölskylduföðurnum þykir dæturnar full frjálslegar í trúnni og ekki vanda val sitt á eiginmönnum.
Hann óttast að gyðinglegur uppruni fjöl­skyldunnar muni þynnast út með tíð og tíma. Ekki bætir úr skák þegar keisarinn tekur að hrekja gyðinga burt úr þorpum sínum

Upphaf skólaársins 2018

Nú eru kennarar mættir til vinnu og hefst formleg kennsla mánudaginn 27. ágúst. Umsjónakennarar munu hafa samband við sína nemendur á næstu dögum með allar upplýsingar varðandi hóp- og einkakennslu.