Hóptímar á ný

Búið er að auka svigrúm í starfsemi tónlistarskólanna sem gerir það að verkum að við getum á ný boðið upp á alla okkar hóptíma innan skólans. Hópkennarar munu hafa samband við sína nemendur um næstu skref. Grímuskylda á við um nemendur í 8. bekk og eldri ef ekki er hægt að tryggja 2m fjarlægð við næsta mann. Munum svo að spritta fyrir hverja kennslustund. Hlökkum til að sjá ykkur í húsinu!

Skólastarf 18. nóv – 2. des

Miðað við nýja reglugerð þá verður engin breyting á starfsemi Tónlistarskólans frá 18. nóv – 2. des.

-Einkatímar eru á sínum stað, bæði innan grunnskólanna og í Tónlistarskólanum
-2ja metra fjarlægðarmörk í einstaklingskennslu á milli kennara og nemanda.
-Tónfræðagreinar verða áfram í fjarkennslu hjá okkur.
-Allt hljómsveitastarf, allt samspilsstarf og allt tónleikahald liggur niðri enn um sinn.
-Grímuskylda er í öllu starfi með nemendum innan tónlistarskóla. Hún á við bæði við kennara og nemendur. Undanþágur snúa að kennslu á blásturshljóðfæri og söngkennslu.
-Foreldrar/forráðamenn og aðrir utanaðkomandi skulu almennt ekki koma inn í tónlistarskóla nema brýna nauðsyn beri til og þá gildir grímuskylda.

Svo það allra mikilvægasta; handþvottur og spritt fyrir hverja kennslustund!

Hvatagreiðslur

Nemendur á aldrinum 6-18 ára eiga rétt á hvatagreiðslum frá Reykjanesbæ og hvetjum við forráðamenn að nýta sér það. Hvert barn á rétt á niðurgreiðslu allt að 35.000kr. og er greitt út 10. hvers mánaðar. Aðeins tvær greiðslur eru eftir á þessu ári áður en inneignin verður niðurfelld um áramót. 
Allar helstu upplýsingar er að finna hér

 

 

Starfsemi Tónlistarskólans 3. – 17. nóv

Kennsla tónlistarskólans í grunnskólum Reykjanesbæjar
-Forskólakennsla verður í öllum grunnskólunum nema Stapaskóla
-Hljóðfærakennsla getur farið fram í grunnskólunum. Umsjónakennarar hafa samband við sína nemendur ef breyta þarf tímum vegna breyttrar viðveru nemenda í 5. – 7. bekk.
-Grímuskylda gildir fyrir kennara tónlistarskóla sem fara inn í grunnskóla í hljóðfærakennslu.
-2ja metra fjarlægðarmörk í einstaklingskennslu á milli kennara og nemanda.
 
Kennsla í Tónlistarskólanum í Hljómahöll
-Grímuskylda er í öllu starfi með nemendum innan tónlistarskóla. Hún á við bæði við kennara og nemendur. Undanþágur snúa að kennslu á blásturshljóðfæri og söngkennslu.
-2ja metra fjarlægðarmörk í einstaklingskennslu á milli kennara og nemanda.
-Tónfræðagreinar verða áfram í fjarkennslu hjá okkur.
-Allt hljómsveitastarf, allt samspilsstarf, allt tónleikahald og Suzuki-hóptímar liggur niðri enn um sinn.
-Foreldrar/forráðamenn og aðrir utanaðkomandi skulu almennt ekki koma inn í tónlistarskóla nema brýna nauðsyn beri til og þá gildir grímuskylda.
 
Svo það allra mikilvægasta; handþvottur og spritt fyrir hverja kennslustund!

Mánudagurinn 2. nóvember

Kæru nemendur og forráðamenn.

Vegna hertra sóttvarnareglna sem fela í sér breytingar innan í grunnskólanna, verða ekki hljóðfæratímar í grunnskólunum né forskóli á morgun, mánudaginn 2. nóvember.
Við munum senda ykkur póst á morgun um framhaldið, þegar við höfum fengið ítarlegri upplýsingar.

Öll önnur kennsla Tónlistarskólans helst óbreytt, þ.e. Kjarni og allar aðrar tónfræðagreinar í fjarkennslu, hljóðfærakennsla sem fram fer hér í Tónlistarskólanum, rytmísk deild og söngdeild.

Samspil og hljómsveitastarf liggur niðri enn um sinn.

Hópastarf fellur niður og grímuskylda

Öllu hópastarfi hefur verið slegið á frest frá og með miðvikudeginum 21. október, gildir í óákveðinn tíma. Þetta á við um alla tónfræðitíma, samspil, hljómsveitir og hóptíma innan söngdeildar. Tónfræðikennslan mun færast í fjarkennslu og vinna nú kennarar hörðum höndum að þeirri skipulagningu.

Öll hljóðfæra- og söngkennsla (einkakennsla) verður hins vegar eins og venjulega, út í grunnskólunum og hér í tónlistarskólanum.

Fjarkennsla frá og með mánudeginum 26. október, í óákveðinn tíma:
*Allur Kjarni. Kennarar: Gíslí, Elín og Jóna.
*Nótnalestur. Kennarar: Dagný og Kristinn.
*Tónheyrn, hljómfræði, jass-hljómfræði, tónlistarsaga. Kennarar: Magni, Eyþór og Gísli.

Fellur niður um óákveðinn tíma, frá og með miðvikudeginum 21. október:
*Allt hljómsveitastarf.
*Öll samspil.
*Kór söngdeildar.
*Opin söngdeild, klassísk.
*Opin söngdeild, rytmísk.
*Leiklist söngdeildar.

Grímuskylda fyrir alla fædda árið 2004 eða fyrr
Frá og með miðvikudeginum 21. október n.k. verður tekin upp grímuskylda hér í tónlistarskólanum.

*Nemendur eiga að vera með grímu á göngum/stigagöngum skólans, biðsvæðum og salernum.
*Nemendur eiga að vera með grímu í öllum kennslustundum þar sem hægt er að koma því við.
*Í þeim námsgreinum sem ekki er hægt að hafa grímu, skal hún tekin niður þegar nemandinn er kominn inn í kennslustofuna og sett upp aftur áður en gengið er út úr stofunni.
*Í þeim tilfellum sem ekki er hægt að hafa grímu í kennslustundum, skulu bæði kennari og nemandi gæta a.m.k. 2 metra fjarlægðar sbr. 5. gr. gildandi reglugerðar um takmörkun á skólastarfi.
*Fjarlægðartakmarkanir skulu vera í samræmi við gildandi geglugerð hverju sinni, þar til grímuskyldan verður afnumin.

Frekari upplýsingar um starfsemi skólans í heimsfaraldri er að finna undir hnappnum „COVID-19 og sóttvarnarreglur“ hér að ofan.

Vetrarfrí

Mánudaginn 19. okt og þriðjudaginn 20. okt er vetrarfrí í Tónlistarskólanum og fer því engin kennsla fram. Við vonum að nemendur okkar og forráðamenn hafi það gott í fríinu.

Smit og hóptímar falla niður

Miðvikudaginn 14. október kom upp Covid-smit hjá einum nemanda okkar, sem nú er að sjálfsgðu í einangrun. Í tengslum við það er nánast öll Lúðrasveit B komin í sóttkví sem og 4 kennarar skólans. Smitrakningateymi Almannavarna er komið með allar nauðsynlegar upplýsingar og setur sig í samband við hópinn varðandi næstu skref.
 

Í ljósi útbreiðslu smita hér í Reykjanesbæ og fólks í sóttkví þá falla niður allir hóptímar frá og með fimmtudeginum 15. október. Þetta eru allir tónfræðitímar, hljómsveita- og samspilsæfingar, kór og leiklist söngdeildar og tónleikar sem voru á dagsskrá hjá okkur. Staðan verður tekin aftur eftir vetrarfrí skólans sem er dagana 19. og 20. október.

Skerping á reglum varðandi COVID

Í ljósi þróunar yfirstandandi Covid-bylgju, þá er nauðsynlegt að setja að nýju skýrar reglur hér í skólanum varðandi umgengni eldri nemenda og forráðamanna og skerpa á sóttvarnarhegðun.
Um er að ræða nemendur 16 ára og eldri (þ.m.t. fullorðnir nemendur) og forráðamenn nemenda almennt.

Nemendur 16 ára og eldri:
-Þessi aldurshópur er eindregið hvattur til að nota grímur í þeim kennslustundum sem hægt er að koma því við. Þeir sem það gera þurfa sjálfir að koma með grímur.
-Jafnframt að passa upp á fjarlægðarmörk, t.d. í biðaðstöðu á báðum hæðum skólans og í kennslustofum eins og hægt er.
-Að þvo sér vel um hendur og spritta áður en gengið er inn í hóptímastofur. Það eru sprittbrúsar framan við hverja hóptímastofu.
-Að þvo sér vel um hendur rétt áður áður en farið er í einkatíma og spritta þegar inn í stofuna er komið. Það eru sprittbrúsar í öllum hljóðfæra- og söngstofum.
-Séu nemendur slappir, lasnir eða með kvef, óskum við eftir því að þeir mæti ekki í tónlistarskólann, heldur tilkynni veikindi.

Forráðamenn:
-Vinsamlegast ekki koma inn í skólann nema þið eigið brýnt erindi.
-Séu nemendur slappir, lasnir eða með kvef, óskum við eftir því að þeir mæti ekki í tónlistarskólann og veikindi séu tilkynnt.
-Þátttaka foreldra í námi Suzukinemenda er brýnt erindi, svo eðli málsins samkvæmt fylgja þeir börnum sínum í hljóðfæra – og hóptíma.
-Foreldrar Suzukinemenda eru eindregið hvattir til að nota grímur eins og hægt er og þvo hendur og spritta rétt áður en farið er í tíma. Þeir sem nota grímur þurfa sjálfir að koma með þær.
-Foreldrar Suzukinemenda gæti að fjarlægðarmörkum meðan beðið er eftir að kennslustund hefjist.
-Að þið hvetjið börn ykkar til að þvo sér vel um hendur hér í skólanum og spritta áður en þau fara í tíma.