Breytingar

Gleðilegt nýtt ár!

Gjaldskrá
Nú hefur tekið í gildi ný gjaldskrá og er hana að finna hér að ofan undir flipanum Skólinn og námsumhverfið.
Þau sem nú þegar stunda nám við skólann þurfa ekki að hafa áhyggjur af hækkun á sínum skólagjöldum, þessi nýja gjaldskrá á við um þau sem skrá sig til náms frá og með 1. janúar 2021 og fyrir núverandi nemendur tekur hún gildi við endurnýjun umsóknar í haust.

Breyting á opnunartíma
Vegna styttingu vinnuvikunnar höfum við breytt opnunartíma skrifstofunnar í það sem hér segir; mánudaga – fimmtudaga opið frá kl.9-17 og föstudaga opið frá kl.9-16.

Sóttvarnarreglur
Breytingar og afléttingar á sóttvarnarreglum innan skóla tóku gildi um áramót og hér efst á síðunni er hægt að sjá hvaða reglur eiga við um okkar skóla.

Desember og jólatónleikar

Nú eru jólatónleikar í fullum gangi og hægt að skoða dagskrá hér að ofan undir flipanum Jólatónleikar 2020, þar er einnig hlekkur á Youtube rás skólans þar sem tónleikunum verður streymt.
Einnig er komið út jólaútgáfa af fréttabréfi okkar Tónvísir og einnig hægt að nálgast það hér að ofan.

Jólaleyfi hefst að loknum föstudeginum 18. desember og hefjum við kennslu á nýju ári þriðjudaginn 5. janúar.

Hóptímar á ný

Búið er að auka svigrúm í starfsemi tónlistarskólanna sem gerir það að verkum að við getum á ný boðið upp á alla okkar hóptíma innan skólans. Hópkennarar munu hafa samband við sína nemendur um næstu skref. Grímuskylda á við um nemendur í 8. bekk og eldri ef ekki er hægt að tryggja 2m fjarlægð við næsta mann. Munum svo að spritta fyrir hverja kennslustund. Hlökkum til að sjá ykkur í húsinu!

Skólastarf 18. nóv – 2. des

Miðað við nýja reglugerð þá verður engin breyting á starfsemi Tónlistarskólans frá 18. nóv – 2. des.

-Einkatímar eru á sínum stað, bæði innan grunnskólanna og í Tónlistarskólanum
-2ja metra fjarlægðarmörk í einstaklingskennslu á milli kennara og nemanda.
-Tónfræðagreinar verða áfram í fjarkennslu hjá okkur.
-Allt hljómsveitastarf, allt samspilsstarf og allt tónleikahald liggur niðri enn um sinn.
-Grímuskylda er í öllu starfi með nemendum innan tónlistarskóla. Hún á við bæði við kennara og nemendur. Undanþágur snúa að kennslu á blásturshljóðfæri og söngkennslu.
-Foreldrar/forráðamenn og aðrir utanaðkomandi skulu almennt ekki koma inn í tónlistarskóla nema brýna nauðsyn beri til og þá gildir grímuskylda.

Svo það allra mikilvægasta; handþvottur og spritt fyrir hverja kennslustund!

Hvatagreiðslur

Nemendur á aldrinum 6-18 ára eiga rétt á hvatagreiðslum frá Reykjanesbæ og hvetjum við forráðamenn að nýta sér það. Hvert barn á rétt á niðurgreiðslu allt að 35.000kr. og er greitt út 10. hvers mánaðar. Aðeins tvær greiðslur eru eftir á þessu ári áður en inneignin verður niðurfelld um áramót. 
Allar helstu upplýsingar er að finna hér

 

 

Starfsemi Tónlistarskólans 3. – 17. nóv

Kennsla tónlistarskólans í grunnskólum Reykjanesbæjar
-Forskólakennsla verður í öllum grunnskólunum nema Stapaskóla
-Hljóðfærakennsla getur farið fram í grunnskólunum. Umsjónakennarar hafa samband við sína nemendur ef breyta þarf tímum vegna breyttrar viðveru nemenda í 5. – 7. bekk.
-Grímuskylda gildir fyrir kennara tónlistarskóla sem fara inn í grunnskóla í hljóðfærakennslu.
-2ja metra fjarlægðarmörk í einstaklingskennslu á milli kennara og nemanda.
 
Kennsla í Tónlistarskólanum í Hljómahöll
-Grímuskylda er í öllu starfi með nemendum innan tónlistarskóla. Hún á við bæði við kennara og nemendur. Undanþágur snúa að kennslu á blásturshljóðfæri og söngkennslu.
-2ja metra fjarlægðarmörk í einstaklingskennslu á milli kennara og nemanda.
-Tónfræðagreinar verða áfram í fjarkennslu hjá okkur.
-Allt hljómsveitastarf, allt samspilsstarf, allt tónleikahald og Suzuki-hóptímar liggur niðri enn um sinn.
-Foreldrar/forráðamenn og aðrir utanaðkomandi skulu almennt ekki koma inn í tónlistarskóla nema brýna nauðsyn beri til og þá gildir grímuskylda.
 
Svo það allra mikilvægasta; handþvottur og spritt fyrir hverja kennslustund!

Mánudagurinn 2. nóvember

Kæru nemendur og forráðamenn.

Vegna hertra sóttvarnareglna sem fela í sér breytingar innan í grunnskólanna, verða ekki hljóðfæratímar í grunnskólunum né forskóli á morgun, mánudaginn 2. nóvember.
Við munum senda ykkur póst á morgun um framhaldið, þegar við höfum fengið ítarlegri upplýsingar.

Öll önnur kennsla Tónlistarskólans helst óbreytt, þ.e. Kjarni og allar aðrar tónfræðagreinar í fjarkennslu, hljóðfærakennsla sem fram fer hér í Tónlistarskólanum, rytmísk deild og söngdeild.

Samspil og hljómsveitastarf liggur niðri enn um sinn.

Hópastarf fellur niður og grímuskylda

Öllu hópastarfi hefur verið slegið á frest frá og með miðvikudeginum 21. október, gildir í óákveðinn tíma. Þetta á við um alla tónfræðitíma, samspil, hljómsveitir og hóptíma innan söngdeildar. Tónfræðikennslan mun færast í fjarkennslu og vinna nú kennarar hörðum höndum að þeirri skipulagningu.

Öll hljóðfæra- og söngkennsla (einkakennsla) verður hins vegar eins og venjulega, út í grunnskólunum og hér í tónlistarskólanum.

Fjarkennsla frá og með mánudeginum 26. október, í óákveðinn tíma:
*Allur Kjarni. Kennarar: Gíslí, Elín og Jóna.
*Nótnalestur. Kennarar: Dagný og Kristinn.
*Tónheyrn, hljómfræði, jass-hljómfræði, tónlistarsaga. Kennarar: Magni, Eyþór og Gísli.

Fellur niður um óákveðinn tíma, frá og með miðvikudeginum 21. október:
*Allt hljómsveitastarf.
*Öll samspil.
*Kór söngdeildar.
*Opin söngdeild, klassísk.
*Opin söngdeild, rytmísk.
*Leiklist söngdeildar.

Grímuskylda fyrir alla fædda árið 2004 eða fyrr
Frá og með miðvikudeginum 21. október n.k. verður tekin upp grímuskylda hér í tónlistarskólanum.

*Nemendur eiga að vera með grímu á göngum/stigagöngum skólans, biðsvæðum og salernum.
*Nemendur eiga að vera með grímu í öllum kennslustundum þar sem hægt er að koma því við.
*Í þeim námsgreinum sem ekki er hægt að hafa grímu, skal hún tekin niður þegar nemandinn er kominn inn í kennslustofuna og sett upp aftur áður en gengið er út úr stofunni.
*Í þeim tilfellum sem ekki er hægt að hafa grímu í kennslustundum, skulu bæði kennari og nemandi gæta a.m.k. 2 metra fjarlægðar sbr. 5. gr. gildandi reglugerðar um takmörkun á skólastarfi.
*Fjarlægðartakmarkanir skulu vera í samræmi við gildandi geglugerð hverju sinni, þar til grímuskyldan verður afnumin.

Frekari upplýsingar um starfsemi skólans í heimsfaraldri er að finna undir hnappnum „COVID-19 og sóttvarnarreglur“ hér að ofan.

Vetrarfrí

Mánudaginn 19. okt og þriðjudaginn 20. okt er vetrarfrí í Tónlistarskólanum og fer því engin kennsla fram. Við vonum að nemendur okkar og forráðamenn hafi það gott í fríinu.